ئەی سەروی بوڵەندقەدد و برۆتاق و مەمکجووت
کێ دەستی دەگاتە بەی و ناری نەگەیشتووت
دەم ھەمدەمی غونچێکە نەپشکووتووە ھێشتا
با کەشفی نەکرد بەرگی عەترپۆشی گوڵی ڕووت
گریانی من و خەندەیی تۆ ئێستە دەشوبھێ
بەو مەوسیمی بارانە کە وا خونچە دەپشکووت
خڵخاڵی قەدم وەک خەمی زوڵفەینی سەراپات
پشتانی قەدت بێت و فیدای بازنی بازووت
خاڵی نییە «نالی» دڵەکەت ساتێ لە ھیجران
تا تاری وجوودت نەپسێنێ مەلەکولمووت